Բժիշկը ցրել է քաղցկեղի մասին հայտնի միֆերը

Վաղ փուլերում քաղցկեղը հաճախ զարգանում է առանց ախտանիշների, ուստի, եթե մարդը ցավ չունի, դա չի երաշխավորում, որ նա քաղցկեղ չունի: Զգուշացրել է ուռուցքաբան Խամիս Մագոմեդովան։

Բժիշկը Lenta.ru-ի հետ զրույցում ցրել է քաղցկեղի մասին մի քանի հայտնի միֆ։

Մագոմեդովան առաջին հերթին անհիմն է անվանել չարորակ ուռուցքների վարակիչ լինելու տեսությունը։

Նրա խոսքով՝ որոշ վարակներ կարող են խթանել քաղցկեղի զարգացումը, մասնավորապես, մարդու պապիլոմավիրուսի (HPV) շտամները:

«Էփշտայնի վիրուսը կարող է առաջացնել լիմֆոմայի զարգացում, հեպատիտ B և C-ն մեծացնում է լյարդի չարորակ ուռուցքների վտանգը, Helicobacter pylori բակտերիան կարող է առաջացնել ստամոքսի քաղցկեղի զարգացում»,- ընդգծել է ուռուցքաբանը։

Ըստ Lenta.ru-ի զրուցակցի՝ առասպել է, որ քաղցկեղը ժառանգաբար չի փոխանցվում։ Ուռուցքների միայն հինգ տոկոսի աճը պայմանավորված է գենետիկ գործոններով։ «Հիվանդանալու հավանականության մեջ էական դեր է խաղում հիվանդի տարիքը, ուռուցքների որոշ տեսակների դեպքում՝ սեռը»,- պարզաբանել է ուռուցքաբանը։

Կաթնագեղձերի չարորակ նորագոյացություններն ավելի հաճախ հանդիպում են կանանց մոտ։

«Ալկոհոլի օգտագործումը մեծացնում է բերանի խոռոչի, ստամոքս-աղիքային տրակտի և միզապարկի ուռուցքների առաջացման վտանգը։ Խոցային կոլիտը կարող է առաջացնել հաստ աղիքի ուռուցք: Բացի այդ, սննդակարգը, ուլտրամանուշակագույն ճառագայթումը և ռադիացիան ազդում են քաղցկեղի առաջացման վրա»,- ասել է Խամիս Մագոմեդովան։