Ես ոչինչ չեմ արել, որ ինձ ևս մեղադրանք առաջադրվի։ Այս մասին այսօր MediaHub-ի հետ զրույցում ասաց Երևանի մետրոպոլիտենի տնօրենների խորհրդի նախկին նախագահ Հայկ Հովհաննիսյանը։
Հիշեցնենք, որ արդեն նախկին քաղաքապետ Հրաչյա Սարգսյանի հրաժարականի օրը MediaHub-ը տեղեկացրեց, որ ազատման դիմում է գրել նաև մետրոպոլիտենի տնօրենների խորհրդի նախագահ Հայկ Հովհաննիսյանը։
Ընդգծենք, որ Հրաչյա Սարգսյանի հեռանալուց հետո երեկ ձերբակալվել էին Երևանի քաղաապետարանի աշխատակազմի նախկին ղեկավարի ժամանակավոր պաշտոնակատար Սեյրան Մեջլումյանը, որը օրեր առաջ էր դիմում գրել և ազատվել աշխատանքից, և Ճարտարապետության և քաղաքաշինության վարչության պետի ԺՊ Դավիթ Դալլաքյանը․ նրանք այս պահին ազատության մեջ են։
Հարցին, թե կա՞ անհանգստություն, որ մեղադրանք կառաջադրվի նաև Հովհաննիսյանին, վերջինս պատասխանեց․
«Որպեսզի մեղադրանք առաջադրվի, պետք է որևէ բան արված լինի, բնականաբար, ոչինչ չկա։ Իսկ Սեյրան Մեջլումյանի մասով էլ ինչպես գիտեք՝ դատարանն արդարացրել է նրան, որևէ բան չկա»։
Հովհաննիսյանը նշեց նաև, որ ապրում է իր առօրյա կյանքով։
Լիաննա Թորոսյան