ՀՀ առաջին նախագահ Լևոն Տեր-Պետրոսյանն այսօր հարցազրույց է տալու Պետրոս Ղազարյանին: Այս մասին հայտնում են MediaHub-ի աղբյուրները:

Նշենք, որ Մայր Աթոռում ՀՀ և Արցախի նախկին նախագահների ու կաթողիկոսի հանդիպումից հետո մամուլը ողողված է հանդիպման մասին տեղեկատվությամբ՝ աղբյուրների մակարդակով: Կողմերից և ոչ մեկը մինչ այս պահը պաշտոնապես չի մեկնաբանել, թե ինչի մասին են խոսել նախագահներն ու կաթողիկոսը, իսկ պաշտոնական հաղորդագրությունը կցկտուր էր, ինչպես նաև նշվում էր, որ նման հանդիպումները շարունակական կլինեն: 

Եվ ահա Լևոն Տեր-Պետրոսյանը, ում անվան շուրջ էին ամենից շատ շահարկումները մամուլում, թեև բացահայտ նրա անունը և չէր նշվում, այսօր հարցազրույց է տալիս Հանրային հեռուստաընկերությանը և ակնհայտ է, որ խուսանավել հանդիպման մասին հարցերից նա չի կարող: Ավելին՝ գուցե հենց միտումնավոր է Լևոն Տեր-Պետրոսյանը որոշել խախտել լռությունը, որպեսզի եղելությունը հանրությանը ներկայացնի իր պրիզմայով: