Ունենք դեպքեր, երբ պացիենտի ամբուլատոր քարտում նշված է եղել, թե նա պատվաստված է կարմրուկի դեմ, բայց նա հիվանդացել է։ Այդ մասին այսօր Կառավարության նիստից հետո լրագրողների հետ զրույցում ասաց առողջապահության նախարար Անահիտ Ավանեսյանը։
Նախարարը նշեց, որ այդ դեպքերը ստիպում են հետաքննություն անցկացնել, թե ինչպես են պատվաստումներն իրականացվել, որ վարակման դեպքեր են գրանցվում։
«Գեղարքունիքի մարզում, ցավոք սրտի, ունենք դեպք, որ տվյալ տարվա բուժքույրը խախտումներ է իրականացրել պատվաստումներ ժամանակ, դրա համար հիմա իրականացնում ենք վերաիմունիզացիոն գործառույթ, և տվյալ տարվա ընթացքում պատվաստված քաղաքացիները նորից կպատվաստվեն»,- նշեց Անահիտ Ավանեսյանը։
Մանրամասները՝ տեսանյութում։