Այն վկաները, որոնց մեղադրական կողմը ներկայացնում է, չգիտես ինչու, երջանիկ պատահականությամբ, մեկ շաբաթ առաջ եկել, լրիվ այլ ցուցմունքներ են տվել: Հետո, չգիտես ոնց, շատ հանկարծակի փոշմանել են, հիշել են դատախազությանն անհրաժեշտ բովանդակությամբ նախադասություններ և տվել այն ցուցմունքը, որը պետք է դատախազությանը։ Այդ մասին այսօր ՀՀ երրորդ նախագահ Սերժ Սարգսյանի գործով դատական նիստից առաջ լրագրողների հետ զրույցում ասաց ԱԺ «Պատիվ ունեմ» խմբակցության պատգամավոր Աննա Մկրտչյանը։
Նրա խոսքով՝ այդպես է երևում այսօր արդեն դռնբաց իրականացվող դատական քննությունից․ պոտենցիալ հանցագործության հատկանիշներ կան բոլոր այն վկաների խոսքերում, որոնք գալիս են դատարան և, իբր, դատախազի կողմից ներկայացվում են:
«Ես, իհարկե, հասկանում եմ, որ դատախազին հրահանգ է տրված լինել ավելի Նիկոլ, քան Նիկոլն է, վստահ եմ, որ խմբագրված են իր ելույթները, տեքստերը, բայց ես ևս մեկ անգամ ուզում եմ հիշեցնել, որ մարդկային և մասնագիտական արժանապատվությունը որևէ մեկը չի հետաձգել կամ չեղարկել»,- ասաց նա։
Աննա Մկրտչյանի դիտարկմամբ՝ այս գործն այն մասին է, որ Սոթքում կրակեն, Վարդենիսն ու Տեղ գյուղը օկուպացնեն, Արցախը կտրեն, իսկ հաղթած նախագահը, Արցախն ու Հայաստանը անառիկ պահած նախագահը չկարողանա միջամտել.
«Իրենք մեծ հիասթափություն են ապրելու. որևէ սարքած վարույթ չի կարողանալու իրեն հետ պահել Հայաստանի խնդիրներով մտահոգվելուց»,-ասաց Աննա Մկրտչյանը:
Մանրամասները՝ տեսանյութում։