Տարածքային կառավարման և ենթակառուցվածքների նախարարությունը որոշել է ձմռան շեմին նորից քերել Երևան-Սևան մայրուղու ասֆալտն ու նոր ասֆալտ անել։
Mediahub-ն այսօր նախարար Գնել Սանոսյանից հետաքրքրվեց, թե ինչո՞ւ են որոշել այս եղանակին հատվածաբար նորից ասֆալտապատել մայրուղին։
«Էնտեղ 13 կմ է, հիմա ութն ենք արել, հավանաբար, եթե եղանակը թույլ չտա, կկանգնեցնենք աշխատանքները։ Բայց կարողանում են անել, որովհետև հիմնանորոգում չէ, ընդամենը միջին նորոգում է։ 5 սմ շերտը հեռացնում ենք, նոր շերտ ենք դնում։ Այս աշխատանքներն անում ենք նրա համար, որովհետև 4-5 անգամ ավելի մատչելի է։ Եվ մենք դրանով այս ճանապարհի կյանքը մի 6-7 տարով երկարացնում ենք։ Ու կարողանում ենք անել, որովհետև իր հիմքը լավն է՝ բետոնե հիմք է»,-ասաց Սանոսյանը։
Հարցին՝ ինչո՞ւ են հիմա սկսել աշխատանքները, ինչո՞ւ ամռանը չսկսեցին, նախարարն ասաց․ «Տարբեր տեղեր աշխատում ենք, 550-600 կմ վրա տարբեր աշխատանքներ են արվում»։
Մանրամասն՝ տեսանյութում
Վահե Մակարյան