Հայաստանն ու Իրանը ունեն հազարամյակների քաղաքակրթական սահմաններ և կապեր, որոնք ապահովել են Հարավային Կովկասի կայունությունն ու անվտանգությունը։ Այս ամենի կարևոր բաղադրիչ է հանդիսանում տնտեսությունը։ Այս մասին «Հարավային Կովկաս. կայունության և անվտանգության արդի մարտահրավերները» խորագրով գիտաժողովի ժամանակ հայտնեց տնտեսագետ Սուրեն Պարսյանը։
«Հայաստանը և Իրանը առևտրատնտեսական հարուստ պատմություն ունեն։ Հայաստանը, երբ սկսեց անդամակցել ԵԱՏՄ-ին, այդ ժամանակ ՀՀ-ն սկսեց վարել բանակցություններ Իրանի հետ ազատ առևտրի մասին։ Ըստ այդ համաձայնագրի՝ Իրանը 306 ապրանքներ զրոյական մաքսատուրքերով կարող է արտահանել։ ԵԱՏՄ երկրներից Հայաստանը միակն էր, որ ուներ Իրանի հետ ցամաքային սահման, ուստի շահագրգիռ կողմերից մեկը Հայաստանն է»,- հավելեց նա։
Անդրադառնալով «Հյուսիս-Հարավ» ճանապարհին՝ Պարսյանը նշեց, որ այն ՀՀ-ի համար ունենալու է անվտանգային նշանակություն:
Մանրամասները՝ տեսանյութում