Բժիշկը խոսել է ուղեղի վրա աղիքների ազդելու անսպասելի հատկության մասին
Մարդու ուտած սնունդն ազդում է նրա տրամադրության և հույզերի վրա, ասել է գաստրոէնտերոլոգ Եկատերինա Կաշուխը։ Նա «Իզվեստիա»-ի հետ զրույցում բացահայտել է աղիքների՝ ուղեղի վրա ազդելու անսպասելի կարողությունը։
Կաշուխը պարզաբանել է, որ աղիների և ուղեղի միջև մշտական երկկողմանի կապ կա։ Ուստի, եթե աղիներում օգտակար և վնասակար բակտերիաների հավասարակշռությունը խախտվում է, դա ազդում է մարդու հուզական վիճակի վրա։ Բացի այդ, ըստ բժշկի, որոշ պաթոգեն բակտերիաներ կարող են ազդել տրամադրությունը կարգավորող հորմոնների՝ դոֆամինի և սերոտոնինի արտադրության վրա։
Էնդոկրինոլոգը նշել է, որ հաղորդակցությունն ապահովվում է ստամոքսում, բարակ աղիքներում և հաստ աղիքում տեղակայված նյարդային բջիջներով։ «Այս բջիջները կազմում են այսպես կոչված էնտերիկ նյարդային համակարգը, որն անընդհատ «շփվում» է ուղեղի հետ և հայտնում նրան սննդի սննդանյութերի պարունակության մասին ու պարզաբանում, թե արդյոք այն պարունակում է վտանգավոր նյութեր կամ վնասակար բակտերիաներ», - ասել է գաստրոէնտերոլոգը:
Նրա խոսքով՝ առողջ աղիքային միկրոբիոմը, որում գերակշռում են օգտակար բակտերիաները, նվազեցնում է տագնապային խանգարումների և դեպրեսիայի առաջացման վտանգը։ Ուստի, ըստ բժշկի, հավասարակշռված սննդակարգը կարեւոր է ոչ միայն ֆիզիկական, այլեւ էմոցիոնալ առողջության համար։ «Ցանկալի է յուրաքանչյուր կերակուրի ժամանակ ձեր ափսեի մեջ միացնել սննդի տարբեր խմբեր՝ սպիտակուցներ, բուսական ճարպեր, դանդաղ ածխաջրեր, բջջանյութ»,- խորհուրդ է տվել Կաշուխը։
