Իշխանությունը հակված է կալանավորված տեսնել Ազգային ժողովի «Հայաստան» խմբակցության ղեկավար, պաշտպանության նախկին նախարար Սեյրան Օհանյանին։ Խորհրդարանի կուլիսներում այդպես են խոսում անգամ ընդդիմադիր պատգամավորները։
Երեկվանից մեկնարկած քառօրյայի ընթացքում Ազգային ժողովը քննարկում է ընդդիմադիր «Հայաստան» խմբակցության երկու պատգամավորներ՝ Սեյրան Օհանյանի և Արմեն Չարչյանի նկատմամբ քրեական հետապնդում հարուցելու մասին գլխավոր դատախազի միջնորդությունները։
Սերյան Օհանյանին անձեռնամխելիությունից զրկելուց հետո, ըստ երեւույթին, Աննա Վարդապետյանը խորհրդարան կբերի նրան մեղադրանք առաջադրելու հարցը։ Նման մի բան ՔՊ-ականները արեցին 2020 թվականի հունիսի 16-ին «Բարգավաճ Հայաստան» կուսակցության առաջնորդ Գագիկ Ծառուկյանի նկատմամբ, երբ վերջինս Ազգային ժողովի պատգամավոր էր։
Ծառուկյանի դեպքում խորհրդարանը գաղտնի քվեարկություններով համաձայնություն տվեց գլխավոր դատախազի երկու միջնորդություններին` թե՛ նրան ազատությունից զրկելուն, թե՛ մեղադրանք առաջադրելուն վերաբերող։
Սցենարը նույնությամբ կրկնվելու դեպքում Սերյան Օհանյանին կձերբակալեն ինչպես Ծառուկյանին, երբ վերջինս ինքնական գնում էր ոստիկանություն, բայց ԱԱԾ-ն բերման ենթարկեց Ազգային ժողովի բակից։
Լիա Սարգսյան