Մի քանի ոչ ակնհայտ ախտանիշներ կարող են վկայել սրտային անբավարարության մասին, ասել է սրտաբան Էլլա Վինոգրադովան «Իզվեստիա»-ի հետ զրույցում։
Բժշկի խոսքով՝ հնարավոր սրտային անբավարարության մասին կարող են վկայել հոգնածությունը, քայլելիս և պառկելիս շնչառության դժվարությունը, ոտքերի այտուցը, սրտի արագացած աշխատանքը, գիշերը օդի պակասի պատճառով արթնանալը, որովայնի վերին հատվածում ծանրությունը և ընդհանուր թուլությունը։
Վինոգրադովան ուշադրություն է հրավիրել այն բանի վրա, որ անհնար է ինքնուրույն ախտորոշել սրտային անբավարարությունը, քանի որ այս ախտանիշը հաճախ ուղեկցում է այլ հիվանդությունների՝ օրինակ՝ շաքարախտի և անեմիայի, ինչպես նաև դեպրեսիայի։
Նա անբավարարության ամենատարածված պատճառներից նշել է սրտի իշեմիկ հիվանդությունը, զարկերակային հիպերտոնիան, սրտի արատները, միոկարդիտը, միոկարդիտը, պերիկարդիտը, ալկոհոլի չարաշահումը, ինչպես նաև քիմիաթերապիայի և ճառագայթային թերապիայի հետևանքները։ Եթե կան գանգատներ, Վինոգրադովան խորհուրդ է տվել դիմել բժշկի։