Վրաստանում մեկ շաբաթ է՝ պայքարում են Բորջոմիում բռնկված հրդեհի դեմ
Վրաստանում արդեն ուղիղ մեկ շաբաթ է՝ պայքարում են Բորջոմիի անտառներում բռնկված հրդեհի դեմ։ Աղետի յոթերորդ օրը՝ 24-ժամյա ռեժիմով, դեռ շարունակվում են հրդեհաշիջման աշխատանքները։ Կրակը կրկին տարածվում է երկրի հարավային հատվածում. այդ մասին հայտնում է Aliq.ge-ն:
Տեղեկության համաձայն՝ կրակն անցել է Ախալցիխեի մունիցիպալիտետի սոճու և եղևնու փշատերև անտառ, սակայն ՆԳՆ-ի տեղեկություններով՝ կարմիր գոտուց այն կողմ չի անցնում։
Պաշտոնապես Բորջոմի-Ախալցիխե ճանապարհին այրվում է 150 հա անտառ։ Բորջոմիում բռնկված հրդեհի ստույգ պատճառը, ինչպես նաև պատճառած վնասի չափը հայտնի չէ։
