Ի՞նչ հիվանդությունների դեպքում պետք է դեղձ օգտագործել
Դեղձն ամառվա ամենաօգտակար մրգերից է։ Թավշյա միրգն ունի բազմաթիվ օգտակար հատկություններ։
Օգուտները սրտանոթային համակարգի համար. Դեղձը պարունակում է կենսաքիմիական միացությունների իդեալական համամասնություն, որոնք կարող են զգալիորեն նվազեցնել սրտանոթային բազմաթիվ հիվանդությունների զարգացման ռիսկը, ներառյալ սննդային մանրաթելերը, բետա-կարոտինը, B6 և E վիտամինները, պեկտինները, օրգանական թթուները և կալիումը: Այս բոլոր նյութերը համալիր բարենպաստ ազդեցություն ունեն սրտանոթային համակարգի առողջության վրա։ Դեղձը նաև հարուստ է պոլիֆենոլներով, որոնք նվազագույնի են հասցնում սրտի և անոթային հիվանդությունների ռիսկի գործոնները։
Օգուտները մարսողական համակարգի համար. Դեղձի կանոնավոր սպառման դեպքում մարսողությունը նորմալանում է մանրաթելի գործողությունների շնորհիվ։ Նրանց, ովքեր հաճախ են ունենում փորկապություն կամ այրոցի զգացում, խորհուրդ է տրվում հատկապես սեզոնին դեղձը ներառել սննդակարգում։
Օգուտները աչքերի համար. Այս քաղցր և փափուկ մրգերը պարունակում են էական բուսական հակաօքսիդանտներ՝ լյուտեին և զեաքսանտին: Հենց այդ նյութերն են օրգանիզմում պատասխանատու աչքի ցանցաթաղանթի և ոսպնյակի առողջության համար։ Բետա-կարոտինը և նրա ածանցյալը՝ վիտամին A-ն, նույնպես նպաստում են աչքերի առողջությանը: Ի թիվս այլ բաների, մարմնում լյուտեինի նորմալ մակարդակը նվազեցնում է տեսողության հետ կապված տարիքային փոփոխությունների զարգացման ռիսկը:
