Սպիտակ տունն արգելելու է փակցնել ԼԳԲՏ դրոշները դեսպանատներում. Bloomberg
Միացյալ Նահանգների Սպիտակ տունը կարգելի ԼԳԲՏ դրոշների ցուցադրումը դեսպանատներում։ Գրել է Bloomberg-ը՝ հղում անելով Դեմոկրատական կուսակցության աղբյուրներին։
Գործակալության տվյալներով՝ խոսնակ Մայք Ջոնսոնը ձգտել է նման որոշում ընդունել բյուջեի օրինագծի ընդունման վերաբերյալ գործարք կնքելու համար։
Ըստ Bloomberg-ի՝ այժմ դեսպանատներին կարգելվի ցուցադրել այլ դրոշներ, բացի ԱՄՆ-ի ազգային դրոշից: Նշվում է, որ կարգելվեն Դոնալդ Թրամփին աջակցող «Դարձնենք Ամերիկան կրկին մեծ» (Make America Great again) կարգախոսով նկարները։
«Դեսպանատան աշխատակիցների կողմից ԼԳԲՏ խորհրդանիշներով դրոշների անձնական օգտագործումը արգելված չէ»,- նշել է Bloomberg-ը։
Գործակալությունը գրել է, որ որոշ դեսպանատներ նման դրոշներ են ցուցադրել «հպարտության ամսվա» ընթացքում, որն ամեն տարի տեղի է ունենում ԱՄՆ-ում հունիսին։ «Հպարտության ամիսը» երկրում նշվում է 1969 թվականից՝ սեռական փոքրամասնությունների իրավունքների համար բողոքի ցույցերից հետո։
