Ես 2020 թվականի նոյեմբերից մասնակցում եմ բոլոր հանրահավաքներին, որոնք միտված են այս հանցավոր ռեժիմին իշխանությունից վռնդելուն և հայ ժողովրդի շահերի պաշտպանությանը. MediaHub-ի հետ զրույցում այս մասին ասաց հասարակական-քաղաքական գործիչ Էդգար Ղազարյանը:

«Կարծում եմ, նոյեմբերի 5-ի հանրահավաքի յուրահատկությունը Ստեփանակերտի հավաքի խորհուրդն է, որով պետք է մենք մեր զորակցությունը հայտնենք Արցախում ապրող մեր հայրենակիցներին, իրենց արդար իրավունքների պաշտպանության գործում: Այսինքն՝ Երևանում փողոց դուրս գալու խորհուրդը և իմաստը կոնկրետ այս հանրահավաքի տեսնում եմ ի պաշտպանություն Արցախի, այնտեղ ապրող մեր հայրենակիցների և նրանց ազատ ապրելու իրավունքի»,- նշեց Ղազարյանը:

Հիշեցնենք, որ հանրահավաքը տեղի կունենա նոյեմբերի 5-ին, ժամը 15-ին Ֆրանսիայի հրապարակում: Իշխան Սաղաթելյանը երեկ հայտարարեց՝ սա Միասնության հանրահավաք է:

Լիա Սարգսյան