Սպասվող հանրահավաքի վերաբերյալ եկեղեցու դիրքորոշումը կքննարկենք, կանդրադառնանք և ձեզ տեղյակ կպահենք։ MediaHub.am-ին այս մասին փոխանցեց Մայր Աթոռի Տեղեկատվական համակարգի տնօրեն Տ. Եսայի քահանա Արթենյանը՝ պատասխանելով հարցին, թե արդյո՞ք եկեղեցին միանում է Միասնության հանրահավաքին։
Հիշեցնենք, նոյեմբերի 5-ին ժամը 15։00-ին, Ֆրանսիայի հրապարակում կայանալիք հանրահավաքն, ինչպես ԱԺ «Հայաստան» խմբակցության պատգամավոր Իշխան Սաղաթելյանն էր հայտարարել, Միասնության հանրահավաք է։
Նա դիմել էր Հայ առաքելական եկեղեցուն և Վեհափառին ակնկալելով վերջինիս օրհնությունն ու աջակցությունն այդ նախաձեռնությանը։
Լիաննա Թորոսյան