Եվրո2024
Թուրքիան 2-1 հաղթեց Ավստրիային ու 1/4-ում կխաղա Նիդեռլանդների դեմ
Սա 1/8 եզրափակչի վերջին զույգն էր։
Դարպասի առաջին գրավումը եղավ հենց 1-ին րոպեին։ Անկյունայինի խաղարկումից հետո տուգանային հրապարակում բոլորից շուտ կողմնորոշվեց «Ալ Ահլիի» պաշտպան Մերիհ Դեմիրալն ու մոտ տարածությունից ոտքի հարվածով գրավեց Ավստրիայի դարպասը։
59'-ին թուրքերը նորից հաջող օգտագործեցին անկյունային հարվածը։ Եվ նորից աչքի ընկավ Դեմիրալը։ Կիսապաշտպան Արդա Գյուլերի փոխանցումից հետո նա գլխի հարվածով գրավեց Պատրիկ Պենցի դարպասը։
Իսկ արդեն 66-րդ րոպեին ստանդարտ իրավիճակը հաջող օգտագործեցին հենց ավստրիացիներն ու կրճատեցին խաղի հաշիվը։ «Բոլոր դիրքերի խաղացող» Մարսել Զաբիցերի անկյունային հարվածից հետո Ստեֆան Պոշը գլխով փոխանցում կատարեց ու փոխարինման մտած Միխաել Գրեգորիչը մոտիկ տարածությունից ոտքով գրավեց Թուրքիայի դարպասը։
Խաղավերջում հավաքականները 1-ական վտանգավոր պահ ստեղծեցին միմյանց դարպասների մոտ, բայց հաշիվը մնաց անփոփոխ։
Պաշտպան Մերիհ Դեմիրալը ճանաչվեց հանդիպման խաղացող։
Բաժանորդագրվեք տելեգրամյան ալիքին MediaHub