Մամուլը սխալ գրեց, թե նախկին վարչապետ Հովիկ Աբրահամյանի տունն այլևս իրեն չի պատկանում։ Նման վստահություն ունի ՔՊ-ական պատգամավոր Վահագն Ալեքսանյանը։
Դիտարկմանը, որ շքեղ զուգարանակոնքի մասին է անընդհատ խոսում Ալեքսանյանը, բայց այս օրերին խոսվում է նաև պաշտպանության նախարար Սուրեն Պապիկյանի շքեղ տան մասին, Վահագն Ալեքսանյանն արձագանքեց՝ ինչպե՞ս է ձեռք բերել, հիփոթեքո՞վ։
«Հիփոթեքով է ձեռք բերել ու դրա համար 20 տարի վճարելու է։ Սուրեն Պապիկյանի տան մասին «Հետք»-ն էր գրել, ու իմ տեղեկություններով նույն թաղամասում նաև «Հետք»-ի փոխտնօրենն ունի բնակարան։ Այսինքն՝ ՀՀ-ում լրագրողները նախարարների հետ նույն շենքերում տուն են գնում ու նախարարներին մեղադրում են կոռուպցիայի մեջ»,- նշեց նա։
Դիտարկմանը, որ լրագրողը պետական պաշտոն չի զբաղեցնում, ՔՊ-ական պատգամավորը չարձագանքեց։
Մանրամասները՝ տեսանյութում։