ԱԺ նախագահ Ալեն Սիմոնյանի կարգադրությամբ իշխանական և ընդդիմադիր պատգամավորները կմեկնեն արտերկիր գործուղումների։ Այդպես, Ֆրանկոֆոնիայի խորհրդարանական վեհաժողովի Եվրոպայի տարածաշրջանի համաժողովի աշխատանքներին մասնակցելու համար 2022 թվականի հոկտեմբերի 23-27-ը Բարսելոնա (Իսպանիայի Թագավորություն) գործուղվում են ՖԽՎ-ում ԱԺ պատվիրակության ղեկավար, Ազգային ժողովի եվրոպական ինտեգրման հարցերի մշտական հանձնաժողովի նախագահ Արման Եղոյանը, ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը, ԱԺ պատգամավորներ Արուսյակ Ջուլհակյանը , «Հայաստան» խմբակցության անդամ Արմեն Ռուստամյանը և ԱԺ աշխատակազմի արտաքին կապերի վարչության միջազգային կազմակերպությունների բաժնի գլխավոր մասնագետ Էդուարդ Բադոյանը։ Գործուղումը իրականցվելու է ՀՀ 2022 թվականի պետական բյուջեով Ազգային ժողովին այդ նպատակի համար հատկացված միջոցների հաշվին։
Հաջորդը. Աժ նախագահի կարգադրությամբ ՝2022 թվականի հոկտեմբերի 22-28-ը Օտտավա են (Կանադա) գործուղվում Ազգային ժողովի ֆինանսավարկային եւ բյուջետային հարցերի մշտական հանձնաժողովի նախագահ Գևորգ Պապոյանը (հոկտեմբերի 22-27-ը), ԱԺ մարդու իրավունքների պաշտպանության եւ հանրային հարցերի մշտական հանձնաժողովի նախագահ Թագուհի Թովմասյանը, ԱԺ պատգամավոր Հասմիկ Հակոբյանը։
Նշենք, որ պաշտոնական այցով 2022 թվականի հոկտեմբերի 9-12-ը Թեհրան (Իրանի Իսլամական Հանրապետություն) գործուղվել են Ազգային ժողովի Հայաստան-Իրան բարեկամական խմբի ղեկավար, Ազգային ժողովի ֆինանսավարկային եւ բյուջետային հարցերի մշտական հանձնաժողովի նախագահ Գեւորգ Պապոյանը, ԱԺ մարդու իրավունքների եւ հանրային հարցերի մշտական հանձնաժողովի նախագահի տեղակալ Ռուստամ Բաքոյանը, Ազգային ժողովի տարածաշրջանային եւ եվրասիական ինտեգրման հարցերի մշտական հանձնաժողովի նախագահի տեղակալ Վաղարշակ Հակոբյանը, ԱԺ պատգամավորներ Նարեկ Բաբայանը, Լիլիթ Մինասյանը, Գուրգեն Մելքոնյանը, «Հայաստան» խմբակցության պատգամավոր Գեղամ Նազարյանը։
Եվրոպայի խորհրդի տեղական եւ տարածաշրջանային իշխանությունների կոնգրեսի լիագումար նիստին մասնակցելու համար 2022 թվականի հոկտեմբերի 23-28-ը Ստրասբուրգ (Ֆրանսիայի Հանրապետություն) գործուղվում է ԱԺ «Հայաստան» խմբակցության պատգամավոր Արմեն Գևորգյանը։ Գործուղման հետ կապված բոլոր ծախսերը հոգում է Եվրոպայի խորհուրդը:
Նշենք նաև, որ պաշտոնական այցով 2022 թվականի հոկտեմբերի 9-12-ը Մոսկվա (Ռուսաստանի Դաշնություն) գործուղվել է Ազգային ժողովի նախագահի գլխավորած պատվիրակությունը` հետեւյալ կազմով՝ ԱԺ նախագահ Ալեն Սիմոնյան, ՔՊ-ական Վահե Ղալումյանը, Բաբկեն Թունյանը, Ալեքսեյ Սանդիկովը, Գուրգեն Արսենյանը, Հայկ Սարգսյանը, և Տարոն Մարգարյանը՝ ընդդիմությունից, և այլք:
Հիշեցնենք, որ ընդդիմությունը բոյկոտում է ԱԺ նիստերը և չի մասնակցում քննարկումներին ու քվեարկություններին: