Ադրբեջանի տարածքային ամբողջականությունը ճանաչելը չի նշանակում ԼՂ ինքնորոշման իրավունքի հարցը փակել։ Այդ մասին այսօր ԱԺ-ում հայտարարեց ՔՊ-ական պատգամավոր Հռիփսիմե Գրիգորյանը։
Նրա խոսքով՝ ԼՂ հարցը չի կարող լինել Հայաստանի ու Ադրբեջանի տարածքային ամբողջականությունների համատեքստում։
«Տարածքային ամբողջականություն ասելով՝ մենք հասկանում ենք ՀՀ-ի միջազգայնորեն ճանաչված սահմանները, այն սահմանները, որով ՀՀ-ն ճանաչվել է որպես ՄԱԿ-ի անդամ պետություն»,- ասաց նա։
Ճշտող հարցին՝ արդյո՞ք Ադրբեջանի վերահսկողության տակ գտնվող Գորիս-Կապան միջպետական ճանապարհը մտնում է այդ սահմանների մեջ, խմբակցության պատգամավոր Վահագն Ալեքսանյանն արձագանքեց․
«Գորիս-Կապան մայրուղին այդ սահմանների մեջ չի մտնում, ինչպես չի մտնում այն սահմանների մեջ, որոնք նկարագրված են 2010թ.-ին ՀՀ Ազգային ժողովի կողմից ընդունված ՀՀ վարչատարածքային բաժանման մասին օրենքով»։