Դավաճան իշխանություններն ընդգծված, պլանավորած, հետևողականորեն երկիրը տանում են կործանման։ Միակ զարմանալի բանն այն է, թե որտեղից և ինչու է այսչափ հայատյացություն կուտակվել ներկայիս իշխանության մեջ։ Կարող էին լինել շահամոլ, էգոիստ, պաշտոնամոլ մարդիկ, բայց այս ատելությունը երկրի նկատմամբ որևէ կերպ չեմ ընկալում։ Այս մասին այսօր MediaHub.am-ի հետ զրույցում ասաց նախկին փոխոստիկանապետ, գեներալ-մայոր Գագիկ Համբարձումյանը։
Հիշեցմանը, թե ԱԺ Արտաքին հարաբերությունների հանձնաժողովի նախագահ Էդուարդ Աղաջանյանը օրերս հայտարարեց, թե 44-օրյա պատերազմի հետևանքով ՀՀ-ն այլևս չունի հնարավորություն և ռեսուրս ապահովելու Արցախի ժողովրդի անվտանգությունը և դիտարկամանը՝ գուցե, Հայաստանը այսկերպ ցույց է տալիս, որ ձեռքերը լվանում է Արցախից, վերջինս արձագանքեց․
«Հայաստանը ձեռքերը չի լվանում, ցավոք, Հայաստանի իշխանությունը զավթածներն են ձեռքերը լվանում Արցախից։ Այս ամենը նոր չէ, հաշվարկված ձեռագիր է, որ մինչև պատերազմ էլ կար։ Այն պատերազմը, որի արդյունքում մենք պետք է թշնամուն ջախջախեինք, ձախողվեց։ Այդ կոնտիգենտը, այդ տականքն է ձեռքերը լվացել։ Հիմա չէ, որ պիտի սա հասկանանք, նրանք հենց կործանելու համար էին եկել, դրա համար սնվել են դրսից՝ թուրքական և միջազգային այլասերված կառույցների փողերով։ Ախր, չեն էլ ուզում երկրին տիրություն անել, պարզապես իրենց ստորությունները մաս-մաս են հրապարակում, որ հանրությունը անտարբերությանն ընտելանա»,-ասաց նա։
Հարցին, թե այս ամենի լուծումը Համբարձումյանն ինչպե՞ս է պատկերացնում, վերջինս պատասխանեց՝ ժողովուրդը պետք է ոտքի կանգնի, իշխանության վիզը ոլորի ու վռնդի։ Դիտարկմանը, թե իշխանության դեմ մինչ այս եղած պայքարներն արդյունք չենք տվել՝ նախկին փոխոստիկանապետն ամփոփեց․
«Գուցե պայքարողներն այդ համապատասխան հատկանիշները չունեն կամ սպասում են, որ ուրիշի ձեռքով կրակից շագանակներ հանեն»:
Լիաննա Թորոսյան