Սուշին և ռուլետները չպետք է համադրվեն գազավորված ըմպելիքների, այդ թվում՝ շամպայնի, այլ ծանր սննդի կամ մեծ քանակությամբ վասաբիի հետ, «Գազետա»-ին ասել է գաստրոէնտերոլոգ Եկատերինա Տիտովան։
«Սուշին շամպայնի կամ այլ գազավորված ըմպելիքների հետ համադրելուց հետո սրտխառնոցը դասական պատմություն է: Ռուլետները դժվարամարս խառնուրդ են: Շամպայնը, կոկա-կոլան կամ նույնիսկ հանքային ջուրը ստամոքսում գազի պղպջակներ են առաջացնում: Այս գազերը ձգում են ստամոքսի պատերը՝ խաթարելով դրա շարժունակությունը՝ սնունդը տեղափոխելու գործառույթը: Արդյունքում, ստամոքսը կարող է վերածվել «դանդաղ պարկի», - բացատրել է Տիտովան:
Բացի այդ, բժշկի խոսքով՝ գազավորված ըմպելիքներից արտազատվող գազերը կարող են թուլացնել մարսողական ֆերմենտների, օրինակ՝ լիպազի, արտազատումը կարգավորող սֆինկտերը:
«Այս համադրությունը կարող է առաջացնել պանկրեատիտի սրացում: Արդյունքում, ստամոքսը չի կարողանում հաղթահարել ծանրաբեռնվածությունը, և մարմինը փորձում է ազատվել դրա պարունակությունից սրտխառնոցի միջոցով: Նույն պատճառներով չպետք է չհամատեղել սուշին և ռուլետները այլ դժվարամարս սննդամթերքների հետ, ինչպիսիք են չիպսերը կամ տապակած միսը: Պետք է խուսափել նաև մեծ քանակությամբ տաք վասաբի սոուսից. այս համադրությունը հաճախ կարող է լորձաթաղանթի այրվածք առաջացնել», - եզրափակեց բժիշկը։