Ծերաբան Քրիստոֆեր Նորմանը զգուշացրել է, որ վիտամին A-ի ավելցուկը վտանգ է ներկայացնում 50 տարեկանից բարձր մարդկանց համար, գրել է «El Español»-ը։
Ինչպես նշել է Նորմանը, այս տարիքի շատ մարդիկ սկսում են ընդունել տարբեր սննդային հավելումներ քրոնիկ առողջական խնդիրների պատճառով: Այնուամենայնիվ, բազմաթիվ ուսումնասիրություններ ցույց են տալիս, որ, օրինակ, վիտամին A-ն կարելի է ստանալ բավարար քանակությամբ՝ պարզապես հավասարակշռված սննդակարգով։
«Վիտամին A-ի հավելումները պետք է օգտագործվեն զգուշությամբ, քանի որ դրանք կարող են նվազեցնել ոսկրային խտությունը, առաջացնել լյարդի վնասում և հոդերի ցավ», - զգուշացրել է բժիշկը:
Բացի այդ, այս նյութի ավելցուկը մարմնում մեծացնում է կոտրվածքների և շարժունակության ու հավասարակշռության հետ կապված խնդիրների առաջացման ռիսկը, և այս բնութագրերը չափազանց կարևոր են 50 տարեկանից հետո։