Ո՞վ է իշխանության սրտի ՄԻՊ թեկնածուն
Արդեն հայտնել ենք, որ ՄԻՊ Քրիստիննե Գրիգորյանը հրաժարականի դիմում է ներկայացրել:
Ըստ MediaHub-ի մեր աղբյուրների՝ միջազգային կառույցներից մեկում ՀՀ ներկայացուցչի պաշտոնն է առաջիկայում ստանձնելու։
Ըստ օրենքի՝ մեկ ամսում ԱԺ-ն ՄԻՊ նոր թեկնածուին պետք է ներկայացնի։
Ըստ մեր աղբյուրների՝ ՔՊ-ի ամենահավանական թեկնածուներից մեկը ՔՊ-ական պատգամավոր Մարիա Կարապետյանն է։ Նա, հիշեցնենք, ներկայացնում է իշխանության այսպես կոչված սորոսական թևը: Այս պահին քննարկվում է նրա թեկնածությունը և իշխանականները մեծամասամբ կողմ են նրա նշանակմանը։
Մարիա Կարապետյանն իշխանության հավատարիմներից է, 2018-ից ԱԺ-ում է և, ըստ մեր տեղեկությունների, երբեք հակասություններ չի ունեցել թիմակիցների հետ, Փաշինյանի ցանկացած հայտարարություն լուռ ու մունջ ընդունում է։
Մեզ փոխանցեցին, որ վերջինս վաղուց է հավակնում այս պաշտոնին և հիշեցրեցին, որ տարիներ առաջ ԱԺ մարդու իրավունքների պաշտպանության մշտական հանձնաժողովի նախկին նախագահ Նաիրա Զոհրաբյանը Մարիա Կարապետյանին բնութագրելով հայտարարել էր՝ վերջինս մարդու իրավունքների հետ ոչ մի կապ չունի, այլ պաշտպանում է մեկ համայնքի շահերը:
Նշենք, որ Կարապետյանը ԱԺ մարդու իրավունքների պաշտպանության մշտական հանձնաժողովի անդամ է, Ստամբուլյան կոնվենցիայի ընդունման ջատագովներից մեկը։
MediaHub-ի աղբյուրը նաև նշեց, որ Կարապետյանը միակ թեկնածուն չէ, այս պահին քննարկվում են այլ անուններ ևս, բայց «ամենահավանականներից» մեկն է:
Նարե Գնունի
