Դեռ վերակենդանացման բաժանմունքում են. նոր մանրամասներ վիրավոր զինծառայողներից
Հունվարի 19-ին Գեղարքունիքում զորանոցի ողբերգական հրդեհի հետևանքով տուժած երկու զինծառայող դեռ վերակենդանացման բաժանմունքում են, մյուսը պալատում է։
Այս մասին այսօր MediaHub.am-ի հետ զրույցում ասաց Այրվածքաբանության ազգային կենտրոնի բժիշկ-այրվածքաբան, ԱԱԿ-ի բուժական գծով փոխտնօրեն Կարինե Բաբայանը։
«Դրական տեղաշարժ կա»,-ասաց նա։
Հիշեցնենք, որ ՀՀ ՊՆ-ն ավելի վաղ հայտնեց, որ նախնական տվյալներով ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհվել է 15 զինծառայող, 3 զինծառայող տեղափոխվել է Այրվածքաբանության ազգային կենտրոն։
Լիաննա Թորոսյան