Իրականում Իլհամ Ալիևը շատ հանգիստ կարելի է պատկերացնել, որ այս ռազմապատժիչ ընտրական հանձնաժողովի անդամ է․ նա էլ է մասնակցում Նիկոլ Փաշինյանի բռնած էս գործին, նա էլ է օգնում, որ Փաշինյանը չունենա որևէ լուրջ ընդդիմադիր հակառակորդ։ Այսինքն՝ եթե Նիկոլ Փաշինայնը քրեական գործ է հարուցում Արկադի Թամազյանի նկատմամբ, Ալիևն էլ քրեական գործ է հարուցում Ռուբեն Վարդանյանի նկատմամբ։
Այս մասին այսօր Ալավերդու համայնքապետ Արկադի Թամազյանի դեմ սկսված գործընթացների թեմայով հրավիրված ասուլիսի ժամանակ հայտարարեց ՀԱԿ փոխնախագահ Լևոն Զուրաբյանը։
Հիշեցնենք, Ալավերդիում «Ապրելու երկիր» և ՀԱԿ կուսակցությունները համատեղ են կառավարում քաղաքը, սակայն ՔՊ-ն որոշել է իմփիչմենթի գործըթնաց նախաձեռնել համայնքապետ Արկադի Թամազյանի նկատմամբ։
«Սա շատ անբարոյական կեցվածք է իշխանության կողմից։ Էսօր գոնե իրենք, հաշվի առնելով էդ հանգամանքը, մի քիչ պիտի համերաշխության դրսևորում ունենային։ Եվ էս ծրագիրը, էս կեղտոտ, էս ստոր ծրագիրը գոնե ինչ-որ չափով ստոպ անեին, դադարեցնեին։ Սա սրիկայություն է, շատ անբարոյական կեցվածք»,- հայտարարեց Զուրաբյանը։
Նրա խոսքով՝ այն նվաճումը, որը Նիկոլ Փաշինայնը ներկայացնում է ամբողջ աշխարհին, մեր հանրությանը, որ իբր ժողովրդավարության հարցում գոնե մենք ունենք նվաճումներ, սա բացարձակ կեղծիք է։
«Էս իշխանությունը իր կեցվածքով ցույց է տալիս և ապացուցում է, որ նա պատրաստ չէ ընդդիմադիր որևէ իշխանությանը հանդուրժել Հայաստանում»,- ընդգծեց ՀԱԿ փոխնախագահը։
Մանրամասները՝ տեսանյութում