Այսօր Ալավերդու համայնքապետ Արկադի Թամազյանի դեմ սկսված գործընթացների թեմայով հրավիրված ասուլիսի ժամանակ ՀԱԿ փոխնախագահ Լևոն Զուրաբյանը ներկայացրեց, թե ՔՊ-ն ինչ մեթոդներով է փորձում խլել իշխանությունը Ալավերդիում ընդդիմության ձեռքից։
«Սեպտեմբերի 23-ին տեղի է ունեցել «Քաղաքացիական պայմանագրի» նիստ, որում քննարկվել են հնարավորությունները, թե ինչպես կարող է ՔՊ-ն խլել իշխանությունն այն ընդդիմադիր համայնքապետերից, որոնք ընտրվել են ժողովրդի կողմից։ Մասնավորապես, Ալավերդու հարցը եղել է այդ քննարկված հարցերից մեկը։ Եվ որոշում է ընդունվել, որ ժամանակն է վճռական գրոհի համար։ Մի քանի օր հետո էլ շատ կոնկրետ որոշում է ընդունվել, որ Ալավերդիում պետք է անվստահություն հայտնվի գործող քաղաքապետին»,- ասաց Լևոն Զուրաբյանը։
Նրա խոսքով՝ մեր ընտրական համակարգը այսօր կառավարվում է ոչ թե Կենտրոնական ընտրական հանձնաժողովի, այլ «ընտրապատժիչ» հանձնաժողովի կողմից։ Ապա ավելացրեց, որ ինքը դա կանվաներ նաև ռազմապատժիչ հանձնաժողով, որովհետև այս արշավին միացել է նաև պաշտպանության նախարար Սուրեն Պապիկյանը։
«Նա անձամբ իրականացնում է այդ ճնշումների կոորդինացիան՝ շատ դեպքերում օգտագործելով պաշտպանության նախարարության և բանակի ռեսուրսները»,- ասաց Զուրաբյանը՝ բերելով կոնկրետ օրինակներ։
Մանրամասն՝ տեսանյութում