Երկու հարավկորեական ընկերություններ 5.76 միլիարդ դոլար արժողությամբ պայմանագիր են կնքել Լեհաստանի հետ տանկեր եւ հաուբիցներ արտահանելու համար, հայտնում է Reuters-ը՝ վկայակոչելով Հարավային Կորեայի զենքի գնման գործակալությանը։
Ուրբաթ Լեհաստանում ստորագրված պայմանագիրը Հարավային Կորեայի պատմության մեջ զենքի ամենամեծ գործարքի մի մասն է, որը Լեհաստանի հետ կնքվել էր անցյալ ամիս՝ նպատակ ունենալով ուժեղացնել իր զինված ուժերը հարեւան Ուկրաինա ռուսական ներխուժման ֆոնին:
Hyundai Rotem Co.-ն K2 Black Panther տանկեր կմատակարարի, իսկ Hanwha Defense-ը՝ Hanwha Corp-ի պաշտպանական թեւը, K9 ինքնագնաց հաուբիցներ կուղարկի Լեհաստան, հայտնել է Պաշտպանական գնումների ծրագրի վարչակազմը։
«Քանի որ պաշտպանական արտահանումը կարեւոր է զենքի համակարգերի փոխանակման, փոխադարձ նյութատեխնիկական աջակցության եւ անվտանգության դաշինքների ամրապնդման առումով, ակնկալվում է, որ արտահանման այս գործարքը կնպաստի եվրոպական երկրների հետ համերաշխության ամրապնդմանն ու անվտանգության մեր հնարավորությունների սահմաններն ընդլայնելու մեր ջանքերին»,- ասված է Հարավային Կորեայի կառավարության հայտարարության մեջ։