Ինչի՞ մասին է վկայում մարմնի տհաճ հոտը
Բժիշկ Կուտուշովը շհայտնել է ախտանիշների մասին, որոնք վկայում են ներքին խնդիրների մասին, այդ թվում՝ օրգանիզմում տոքսինների բարձր մակարդակի մասին։ Մասնագետը պարզաբանել է, որ այս խնդիրն առաջանում է տարբեր նյութերի քայքայման և օրգանիզմից դրանց հեռացման համար պատասխանատու օրգանների աշխատանքի խախտումների պատճառով։ Մասնավորապես, դա կարող է տեղի ունենալ, երբ աղիքները սկսում են «սայթաքել»։ Կուտուշովը նշել է, որ այս դեպքում մարմնի տհաճ հոտ է առաջանում, ինչը վկայում է այն մասին, որ օրգանիզմը չի կարողանում դիմակայել տոքսինների հեռացմանը։
«Աղիների դիսբիոզի դեպքում մարդու մոտ առաջանում է մարմնի տհաճ հոտ։ Այս իրավիճակում լյարդի վրա բեռի ավելացման հավանականությունը մեծ է: Սա խոսում է այն մասին, որ օրգանիզմը չի կարող հաղթահարել տոքսինների քանակությունը»,- իր Telegram ալիքում կիսվել է նա։
Բացի այդ, Կուտուշովը հավելեց, որ աղիներում պաթոգեն միկրոօրգանիզմների աճի և դրա դանդաղ աշխատանքի պատճառով կարող է խախտվել բերանի խոռոչի միկրոֆլորայի հավասարակշռությունը, ինչը տհաճ հոտ է առաջացնում, նույնիսկ եթե մարդը պարբերաբար մաքրում է ատամները:
Մեկ այլ նշան, որը ցույց է տալիս, որ մարմինը չի դիմանում տոքսինների հեռացմանը, մաշկի հետ կապված խնդիրներն են. այն դառնում է հակված չորության, կեղևի, գրգռվածության, կարմրության և բորբոքման: Նման կերպ կարող են դրսևորվել աղիքային միկրոֆլորայի և լեղապարկի աշխատանքի խանգարումները։
