Քարաշեն գյուղի ուղղությամբ Ադրբեջանը «Գրադ» զինատեսակ է օգտագործել։ Հրետանակոծության հետևանքով համայնքի հանդիսությունների սրահի տանիքն ու պատն է վնասվել։ Այս մասին MediaHub.am-ին փոխանցեց Սյունիքի մարզի Քարաշեն համայնքի վարչական ղեկավար Հակոբ Հակոբյանը։

Հակոբյանը փոխանցեց, որ այս պահին վիճակը համեմատաբար հանգիստ է։ «Կրակոցները հեռվից են լսվում։ Գյուղում արտակարգ դրություն չենք մտցրել, դեռ կարիքը չկա, բնակիչներին էլ չենք տարհանել»,-ասաց նա և հավելեց, որ զոհ և վիրավոր համայնքում չկա։

Հիշեցնենք, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ:

Լիաննա Թորոսյան