Սոթքում ադրբեջանական հրետանակոծության հետևանքով քաղաքացիական բնակչության շրջանում կա 1 վիրավոր։ Այս մասին MediaHub.am-ի հետ զրույցում ասաց համայնքի ղեկավար Սևակ Խաչատրյանը։
«Վիրավորի վիճակը նորմալ է։ Վնասվել է համայնքապետարանի շենքը, մի քանի տուն այրվել է»,-ասաց նա։
Համայնքապետի խոսքով՝ որոշ տների տանիքներ, պատուհաններ էլ վնասվել են։ Սևակ Խաչատրյանն ասաց, որ հակառակորդը հիմա էլ շարունակում է գնդակոծել գյուղը։
«Փորձում ենք ապահովել բնակիչների անվտանգությունը, այս պահին այլ հարցերի չեմ կարող պատասխանել»,-ասաց նա։
Անի Գևորգյան