Մենք մեր տեղում ենք, նորմալ ա իմ սահմանում․ դեռ խնդիր չի եղել։ Մեզ մոտից կրակոցներ լսվում են, տեսնում ենք, բայց մարտական ենք։ Այս մասին MediaHub.am-ին փոխանցեց Սյունիքի մարզի Ներքին Խնձորեսկի գյուղապետ Երվանդ Մալունցը։

«Ներքին Խնձորեսկում կին, երեխա գյուղում են, բոլոր տղամարդիկ էլ զենքերը ձեռքում են, ոչ մի տարհանում չի եղել»,-ասաց նա և հավելեց, որ Խնձորեսկում ևս այս պահին հանգիստ է, պատրաստակամ են։

Հիշեցնենք, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Գորիսի,Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Առավոտյան 8-ի դրությամբ իրադրությունը հայ-ադրբեջանական սահմանին էական փոփոխություններ չի կրել։ Հակառակորդը շարունակում է Վարդենիսի, Սոթքի, Արտանիշի, Իշխանասարի, Գորիսի և Կապանի ուղղություններով կիրառել հրետանային միջոցներ, ականանետեր, ԱԹՍ-ներ և խոշոր տրամաչափի հրաձգային զինատեսակներ՝ թիրախավորելով թե՛ ռազմական և թե՛ քաղաքացիական ենթակառուցվածքները։

Սահմանի որոշ հատվածներում դիրքային մարտերը շարունակվում են, հակառակորդը չի դադարեցնում առաջխաղացման փորձերը։

Լիաննա Թորոսյան