Արցախը Հայաստանին կապող այլընտրանքային ճանապարհի կառուցման համար Տեղ-Կոռնիձոր հատվածում շինարարական աշխատանքները մեծ թափով ընթանում են, այս պահին որևէ խոչընդոտ չկա։ Այս մասին MediaHub.am-ի հետ զրույցում ասաց Սյունիքի մարզի Տեղ համայնքի ղեկավար Դավիթ Ղուլունցը։
«Երեք շինարակական կազմակերպություն է աշխատում, նշում են, որ աշխատանքները 80 տոկոսով կավարտվեն դեկտեմբերին։ Ես կարծում եմ՝ ամբողջությամբ գարնանը պատրաստ կլինի»,-ընդգծեց նա։ Համայնքի ղեկավարի խոսքով, ճանապարհն անցնելու է Կոռնիձորի տակով, եթե լիներ Տեղ համայնքի տակով, ապա ավելի հեշտ կլիներ, այնտեղ ավելի հարթ է, բայց այսպես է որոշվել։
Հիշեցնենք, որ Բերձորն ու Աղավնոն Արդրբեջանի վերահսկողության տակ անցնելուց հետո, Արցախը Հայաստանին կապող այլընտրանքային ճանապարհը Սյունիքի մարզի Տեղ, Կոռնիձոր գյուղերով է միանալու Արցախին՝ Բերդաձորի շրջանի Հին Շեն, Մեծ Շեն գյուղերով: Նշենք նաև, որ Արցախից այլընտրանքային ճանապարհի հետ կապված հարցերը չեն մեկնաբանում։ Նախտեսաված է, որ Լաչինի միջանցքը անցնելու է Ադրբեջանի վերհսկողության տակ օգոստոսի 25-ին։
Անի Գևորգյան