Նիկոլ Փաշինյանը միայնակ չի կարող բռնապետություն հաստատել, եթե նրան չաջակցեն տարբեր պաշտոնյաներ, պատգամավորներ, իշխանության հաստիքային ու արտահաստիքային հաճախորդներ։
«Բռնապետության դեմքը» խորագրի այսօրվա «հերոսը»՝ ԱԺ պաշտպանության հանձնաժողովի ՔՊ-ական պատգամավոր Անդրանիկ Քոչարյանն է, ով հանդես է եկել հերթական աղմկոտ հայտարարությամբ:
Հաղորդում՝ հանցագործության մասին
Անդրանիկ Քոչարյանը երեկ հանդես է եկել աղմկահարույց հայտարարությամբ։
Նա խոստովանել է, որ հետպատերազմյան առաջին փուլում թշնամին կրակել է, մենք չենք կրակել, թշնամին առաջ է եկել, մենք չենք դիմադրել՝ նահանջել ենք: Հերթական ինքնախոստովանական ցուցմունքն է այն մասին, որ իշխանությունն՝ իր անգործությամբ կամ գուցե այլ պատճառով, նպաստել է ադրբեջանական օկուպացիային:
ՔՊ-ն՝ «Ենի Ադրբեջանի» հայկական մասնաճյո՞ւղ
Վերջին շրջանում, հետևելով ՔՊ պատգամավորների հայտարարություններին, տպավորություն է ստեղծվում, որ գործ ունենք ոչ թե Հայաստանի իշխող կուսակցության, այլ «Ենի Ադրբեջանի» հայկական մասնաճյուղի հետ:
Անդրանիկ Քոչարյանն այդ տեսակետն ամրապնդողներից մեկն է:
Վահրամ Բագրատյան