Հրապարակվել է հանքային ռեսուրսների մասին Ուկրաինայի և ԱՄՆ-ի միջև հուշագրի ամբողջական տեքստը
Ուկրաինան և Միացյալ Նահանգները ստորագրել են հուշագիր, որը հաստատում է Տնտեսական գործընկերության համաձայնագրի շուրջ համատեղ աշխատանքը։ Համաձայնագրով նախատեսվում է ստեղծել Ուկրաինայի վերականգնման համար ներդրումների հիմնադրամ։
Ուկրաինան և Միացյալ Նահանգները հաստատել են իրենց մտադրությունը՝ վերջնական տեսքի բերել և կնքել համաձայնագիր, որը շահավետ կլինի երկու երկրների համար, հայտնում է Ուկրաինայի նախարարների կաբինետը։
Հուշագրում նշվում է, որ համաձայնագիրը հնարավորություններ կբացի զգալի ներդրումների, ենթակառուցվածքների արդիականացման և Ուկրաինայի և Միացյալ Նահանգների միջև փոխշահավետ գործընկերության համար։
Այն նաև վերահաստատում է ամերիկացի ժողովրդի հանձնառությունը՝ ուկրաինացի ժողովրդի կողքին ներդրումներ կատարելու ազատ, ինքնիշխան և ապահով Ուկրաինայում:
Նաև, համաձայն Հուշագրի տեքստի, Ամերիկայի Միացյալ Նահանգները և Ուկրաինան ճանաչում են այն ներդրումը, որ Ուկրաինան ներդրել է միջազգային խաղաղության և անվտանգության ամրապնդման գործում՝ կամավոր հրաժարվելով միջուկային զենքի աշխարհի երրորդ ամենամեծ զինանոցից:
Փաստաթուղթը նախատեսում է, որ ԱՄՆ-ը հարգում է Ուկրաինայի պարտավորությունները՝ կապված ԵՄ-ին անդամակցելու կամ միջազգային ֆինանսական կառույցների և այլ պաշտոնական վարկատուների հետ պայմանավորվածությունների հետ։ Համաձայնագրի վրա աշխատանքը չի կարող կոնֆլիկտներ առաջացնել Ուկրաինայի եվրաինտեգրման ճանապարհին։
