ԱԽ քարտուղար Արմեն Գրիգորյանի հետ հանդիպման ժամանակ Արցախի պատվիրակությունը վերահաստատել է իրենց դիրքորոշումը Արցախյան հարցի կարգավորման հետ կապված։ Պատվիրակության անդամները նշել են, որ անթույլատրելի են համարում Արցախի սուբյեկտայնությունը, նրա հայկական ապագան կասկածի տակ դնող ցանկացած քայլ։
MediaHub.am-ի արցախյան աղբյուրները նշում են, որ պատվիրակության անդամներն ընդգծել, որ Արացախը որևէ կերպ չի կարող կապ ունենալ Ադրբեջանի տարածքային ամբողջականության հետ, միջազգային հանրությունն Ադրբեջանը ճանաչել էր որպես անկախ պետություն ԽՍՀՄ ներքին օրենսդրությամբ որոշված սահմաններում: Ըստ այդ օրենսդրության՝ Ադրբեջանի անկախության ձեռք բերման ժամանակ Լեռնային Ղարաբաղը տվյալ երկրի հետ որևէ առնչություն չուներ, այլապես նա չէր ընդգրկվի ՄԱԿ-ի կազմում։
Արմեն Գրիգորյանը ներկայացրել է բանակցային մանրամասները, ինչպես նաև մանրամասներ խաղաղության պայմանագրի հետ կապված։ Շատ հարցերի պատասխաններ Արմեն Գրիգորյանը չի ունեցել։ Հանդիպման մասանակիցները գոհ չեն եղել հանդիպման արդյունքներից։ Նախատեսված է, որ տեղի կունենան նաև պատվիրակության կազմի հանդիպումներ Ալեն Սիմոնյանի և Արարատ Միրզոյանի հետ։
Նշենք, որ Արայիկ Հարությունյան-Նիկոլ Փաշինյան հանդիպումից հետո Արցախում մտահոգությունները խորացել են, այս պահին արհեստական են համարում Ադրբեջանի հետ ուղիղ բանակցությունների մասին խոսակցությունները։ Նշում են՝ «եթե Հայաստանի հետ հրաժարվում են խոսել, Արցախի հետ ինչպե՞ս են խոսելու։ Արցախը մնում է Ռուսաստանի հույսին»։
Անի Գևորգյան