Ղարաբաղի հայերի հետ շփման միջազգային մեխանիզմ ստեղծելու մասին խոսք լինել չի կարող, արձագանքելով Հայաստանի Անվտանգության խորհրդի քարտուղարի երեկվա հարցազրույցին, այսօր ասել է Ադրբեջանի նախագահի խորհրդական Հիքմեթ Հաջիևը: Պաշտոնյան կրկին պնդել է, թե Բաքուն փակված է համարում հարցը:
Հիշեցնենք, որ, ըստ Գրիգորյանի, Արցախի դեպքում քննարկման հիմնական օրակարգն եղել է միջազգային մեխանիզմ ստեղծումը, որպեսզի «Լեռնային Ղարաբաղը եւ Ադրբեջանը քննարկեն Լեռնային Ղարաբաղում ապրող հայերի անվտանգությունն ու իրավունքները»:
«Մենք հույս ունենք, որ ընթացքում կկարողանանք ձևավորել այս միջազգային մեխանիզմը, որպեսզի հնարավորություն ստեղծվի Լեռնային Ղարաբաղի եւ Ադրբեջանի միջեւ քննարկումներ տեղի ունենան»,- ասել է նա: