Խուլիգան համայնքապետը
Նիկոլ Փաշինյանը միայնակ չի կարող բռնապետություն հաստատել, եթե նրան չաջակցեն տարբեր պաշտոնյաներ, պատգամավորներ, իշխանության հաստիքային ու արտահաստիքային հաճախորդներ։
«Բռնապետության դեմքը» խորագրի այսօրվա «հերոսը»՝ Փարաքարի համայնքապետ Լյուդվիգ Գյուլնազարյանն է, ով մասնակցել է արյունալի «ռազբորկայի»:
Սպանություն Աջափնյակում
Երևանի Աջափնյակ համայնքում մի քանի օր առաջ կրակոցներ են հնչել, ինչի հետևանքով մարդ է մահացել:
Մամուլում հրապարակումներ եղան, որ արյունոտ վիճաբանության վայրում է եղել Փաշինյանի թիմակիցը՝ Փարաքարի համայնքապետ Լյուդվիգ Գյուլնազարյանը։
Մամուլում տեղեկություններ կան, որ նա էլ է ոտքից վիրավորվել, բայց պաշտոնական մանրամասներ չկան։
Նախկինների հետքերով
Փաշինյանի իշխանությունն այնքան «հետևողական» է գնում «նախկինների» հետքերով, որ այլևս որևէ տարբերություն դժվար է գտնել նախահեղափոխական և հետհեղափոխական Հայաստանների միջև:
Իսկ Փաշինյանի «խրոխտ» ելույթները միայն հեգնանք են ծնում:
Վահրամ Բագրատյան
