Մեղրի-Ագարակ ավտոճանապարհին Երևանի և Սյունիքի իրավապահները դարանակալել են, ապա կանգնեցրել որպես տաքսի շահագործվող Opel մակնիշի ավտոմեքենան: Այս մասին գրում է Shamshyan.com-ը։

Ոստիկանները հենց  Opel-ի մեջ հայտնաբերել են Իրանի քաղաքացիների՝ 24-ամյա Մահդի Ճ.-ին, 31-ամյա Ռեզա Ա.-ին, 24-ամյա  Հուսեին Դ.-ին և  32-ամյա Ալի Ա.-ին:

Վերջիններս ավազակային  հարձակում կատարելու կասկածանքով  բերման են  ենթարկվել ոստիկանության Արաբկիրի բաժին։

 Ն ախաձեռնվել է քրեական վարույթ՝ ՀՀ քր օր-ի  252 հոդվածի  2-րդ մասի  3-րդ, 5-րդ, և 7-րդ կետերի հատկանիշներով:

Գ. Շամշյանի տեղեկություններով՝ բերման ենթարկվածներից մեկի մոտ հայտնաբերվել է տուժածից հափշտակած ոսկյա շղթա:

Նշենք, որ հուլիսի 11-ին բժշկական դիմակներով դիմակավորված, ատրճանակով զինված ավազակային հարձակում էր տեղի ունեցել Երևանում: Ժամը 18:00-ի սահմաններում ոստիկանության Արաբկիրի բաժին ահազանգ էր ստացվել, որ Փափազյան փողոցի 13ա հասցեում գործող գրասենյակներից մեկում ավազակային  հարձակում է տեղի ունեցել: