Նիկոլ Փաշինյանը միայնակ չի կարող բռնապետություն հաստատել, եթե նրան չաջակցեն տարբեր պաշտոնյաներ, պատգամավորներ, իշխանության հաստիքային ու արտահաստիքային հաճախորդներ։
«Բռնապետության դեմքը» խորագրի այսօրվա «հերոսը»՝ ԵՊՀ ռեկտոր Հովհաննես Հովհաննիսյանն է, որը կրկնում է Փաշինյանի ձեռագիրը՝ առաջին հերթին մտածելով իր քսակի մասին։
Ռեկտորը շեշտակի բարձրացնում է իր աշխատավարձը
Օրեր առաջ ԵՊՀ հոգաբարձուների խորհրդի հաստատմանն է ներկայացվել մի որոշում, որը մինչ այժմ գաղտնի է պահվում բուհի դասախոսներից եւ աշխատակիցներից: ԵՊՀ ռեկտորի առաջարկությամբ հոգաբարձուների խորհրդի հաստատմանն է ներկայացվել պետհամալսարանի նոր հաստիքացուցակը: Hraparak.am-ի աղբյուրի փոխանցմամբ, համաձայն ռեկտորի գրած հաստիքացուցակի՝ ռեկտորն իր աշխատավարձը 570 հազար դրամից բարձրացրել է 1 մլն 23 հազար դրամ, դրան գումարած՝ սահմանել է ամեն ամիս եւս 300 հազար դրամ լրավճար: Այսինքն՝ ռեկտորի աշխատավարձը 570 հազարից միանգամից դարձել է 1 մլն 323 հազար՝ բարձրանալով մոտ եռապատիկ:
Նույն սկզբունքով բարձրացվել է պրոռեկտորների աշխատավարձերը, իհարկե՝ «կլորիկ» լրավճար- պարգևավճարներով։
Ուշագրավ է, որ պրոֆեսորադասախոսական կազմի աշխատավարձը չի բարձրացել, որովհետև ԵՊՀ-ն այս դեպքում, պարզվում է՝ ունի ֆինանսների սղության խնդիր։
Հովհաննես Հովհաննիսյանը կրկնում է Փաշինյանի ձեռագիրը։
Փաստացի վարչապետը բարձրացնում է նախարարների ու պատգամավորների, դատախազների ու ոստիկանների աշխատավարձերը, նրանց տալիս է «կլորիկ» պարգևավճարներ, բայց հենց հերթը հասնում է Հայաստանի «հպարտ» քաղաքացու աշխատավարձերին ու թոշակներին, պարզվում է՝ բյուջեում գումարներ չկան։
Սորոսը՝ հոգում, Փաշինյանը՝ սրտում
Ասում են՝ ռեկտոր Հովհաննես Հովհաննիսյանն ապրում է երկու մարդու նկատմամբ պաշտամունքի բանաձևով, կարճ ասած՝ Սորոսը՝ հոգում, Փաշինյանը՝ սրտում։ Այս բանաձևը հարստացնում է Հովհաննիսյանին, բայց քանդում է Մայր ԲՈւՀ-ը։
Վահրամ Բագրատյան