Որո՞նք են հաղարջի օգտակար հատկությունները և որքան կարելի է ուտել
Հաղարջը վիտամինների, հանքանյութերի աղբյուր է, որոնք անհրաժեշտ են օրգանիզմի նորմալ աշխատանքի համար։ Nat-woman.ru-ն ներկայացրել է հաղարջ օգտագործելու լուրջ պատճառներ։
Հաղարջը խորհուրդ է տրվում երեխաներին և տարեցներին, ում օրգանիզմին չի բավարարում C, B վիտամինների, պղնձի, ֆոսֆորի մակարդակը։
Անեմիայով տառապող անձանց խորհուրդ է տրվում հաղարջ օգտագործել, քանի որ այն մեծ քանակով ֆոլաթթու է պարունակում։
Քրոնիկ փորկապության դեպքում հաղարջի թուրմ է խորհուրդ տրվում։ 1 ճաշի գդալ հաղարջին 1 բաժակ տաք ջուր ավելացրեք, դանդաղ կրակին եռացրեք 10 րոպե, սառեցրեք։ Օրվա ընթացքում խմեք 4 անգամ՝ 50 գրամ։
Հաղարջը հարուստ է սննդարար նյութերով, ինչի շնորհիվ արդյունավետ է հիպերտոնիայի, աթերոսկլերոզի, այլ սիրտ-անոթային հիվանդությունների կանխարգելման և բուժման համար։ Այն օգնում է օրգանիզմից դուրս բերել նաև ավելորդ խոլեստերինը։
Հաղարջի թարմ հյութը քիչ քանակով մեղրի համադրությամբ հակաբորբոքային միջոց է համարվում։ Այս միրգը կարող է օգտագործվել նաև մաշկի բորբոքման դեպքում։ Անհրաժեշտ է հասած հաղարջի թուրմը քսել մաշկի վնասված հատվածին։ Այն խորհուրդ է տրվում սննդակարգ ներառել մաշկային հիվանդությունների և էկզեմայի դեպքում։
Հաղարջը խորհուրդ է տրվում նաև միզուղիների և երիկամների բորբոքման դեպքում։ Ճարպակալման և նյութափոխանակության խանգարումների դեպքում 3-4 շաբաթ հաղարջ օգտագործեք։ Հաղարջը թարմացնող և միզամուղ հատկություն ունի։
Հաղարջի թուրմը և թարմ պտուղներն օգտագործվում են դաշտանային ցիկլի կարգավորման նպատակով։
Հնարավոր է ալերգիա հաղարջի նկատմամբ, թեև դա բավականին հազվադեպ է, ասում է թերապևտ Վիդյասկինը։ Նրա խոսքով, այս դեպքում կլինեն հետևյալ ախտանիշները. մաշկի ցան; քոր առաջացում; շրթունքների կամ դեմքի այտուցվածություն; հոսող քիթ։ Հնարավոր են ավելի լուրջ բարդություններ, ինչպիսիք են անաֆիլակտիկ շոկը:
«Հաղարջի օգտագործումից առաջացած ստամոքս-աղիքային անհանգստությունը սովորաբար հազվադեպ է, բայց որոշ մարդիկ կարող են փքվածություն կամ փորլուծություն զգալ: Պատճառը կարող է լինել անհատական անհանդուրժողականությունը։ Ինչպես ցանկացած մթերքի դեպքում, հատապտուղների նկատմամբ ալերգիա ունեցող մարդիկ, ներառյալ փշահաղարջի ընտանիքը, պետք է հատկապես զգույշ լինեն հաղարջի նկատմամբ»:
