Ֆրանսիայի նախագահ Էմանուել Մակրոնը հայտարարել է, որ դեռ չի ծրագրում հեռախոսազրույց Ռուսաստանի նախագահ Վլադիմիր Պուտինի հետ, սակայն չի բացառում ապագայում նման հնարավորությունը։
Մակրոնը, Գերմանիայի կանցլեր Օլաֆ Շոլցը և Իտալիայի վարչապետ Մարիո Դրագին հինգշաբթի օրը ժամանել են Ուկրաինա, որտեղ հանդիպել են Վլադիմիր Զելենսկու հետ։
«Առայժմ նախագահ Պուտինին զանգահարելու համար քննարկման առարկա չկա: Բայց եթե այդպիսիք հայտնվեն, ես չեմ բացառում, որ դա կանեմ ապագայում»,- ասել է Ֆրանսիայի նախագահը Կիևում կայացած մամուլի ասուլիսում, որը հեռարձակվել է Ելիսեյան պալատի սոցիալական ցանցերում։
Ավելի վաղ Մակրոնը հայտնել էր, որ մոտ 100 ժամ հեռախոսազրույց է անցկացրել ՌԴ նախագահ Վլադիմիր Պուտինի հետ՝ կապված Ուկրաինայում տիրող իրավիճակի հետ։