«Մենք շատ երկրներ ենք էլիտար դարձնում։ Օրինակ՝ Շվեյցարիան։ Մենք նրանց հետ ունենք 39 միլիարդ դոլարի առևտրային դեֆիցիտ։ Ես կարող եմ վերացնել այդ դեֆիցիտը մի գրիչի հարվածով, և նրանք այլևս էլիտար երկիր չեն, չնայած նրանք ներկայումս վճարում են ընդամենը կես տոկոս տոկոսադրույք։ Նրանք ունեն ամենացածր տոկոսադրույքը։ Եվ ես պարզապես պետք է ասեմ. «Ես չեմ ուզում ձեր ժամացույցները»։ Դա նշանակում է, որ ես չեմ ուզում ձեր ապրանքները։ Եվ մենք կխնայենք 39, 40, 41 միլիարդ դոլար, և նրանք էլիտար երկրից կվերածվեն խորը խնդիրներ ունեցողի»,- ասել է ԱՄՆ նախագահ Դոնալդ Թրամփը։

«Բարեբախտաբար, ես լավ մարդ եմ, լա՞վ։ Բայց որպեսզի հասկանաք. նրանք վճարում են կես տոկոս, իսկ մենք՝ շատ ավելին։ <…> Ես Շվեյցարիան եմ բերում որպես օրինակ. դա շատ էլիտար երկիր է։ Ես նայեցի նրանց տոկոսադրույքներին։ Նրանք վճարում են ամենացածր տոկոսադրույքները։ Բայց առանց մեզ նրանք միայն խնդիրներ կունենային։ Մենք բառացիորեն նրանց 40 միլիարդ դոլար ենք տալիս արծաթե սկուտեղի վրա։ Մենք դեֆիցիտ ունենք, և ես դեֆիցիտը կորուստ եմ անվանում», - հավելել է ԱՄՆ նախագահը։