Русский
ԱՄՆ-ն թույլ չի տա Չինաստանին գերիշխել կրիպտոարժույթի և արհեստական ինտելեկտի ոլորտում, ասել է ԱՄՆ նախագահ Դոնալդ Թրամփը։
«Մենք չենք ուզում, որ Չինաստանը տիրանա կրիպտոարժույթին։ Ես չեմ ուզում տեսնել Չինաստանի հաղթանակը արհեստական բանականության ոլորտում։ Արհեստական բանականություն և կրիպտոարժույթ։ Կրիպտոարժույթը մեծ գործոն է։ Այսինքն՝ ես ավելի ու ավելի եմ տեսնում մարդկանց, ովքեր վճարում են Bitcoin-ով, և, գիտեք, նրանք նույնիսկ չգիտեն, թե ինչ է կանխիկը։ Դա մեծապես թեթևացնում է մեր դոլարի բեռը։ Դա լավ է մեր երկրի համար։ Բայց եթե Չինաստանը տիրանա կրիպտոարժույթին, և նրանք ուրախ կլինեն դա անել, կամ եթե Չինաստանը տիրանա արհեստական բանականությանը, ինչը նրանք շատ լավ են անում... Հիմնականում, մենք առաջ ենք Չինաստանից արհեստական բանականության ոլորտում։ Ոչ ոք չէր կարծում, որ դա հնարավոր է...»,- ասել է Թրամփը։
Սպիտակ տան ղեկավարն ընդգծել է, որ «ով էլ հաղթի արհեստական բանականության ոլորտում, պարզապես կհաղթի ամեն ինչում»։
Այն այնքան մեծ է։ Այն մի քանի անգամ ավելի մեծ է, քան ինտերնետը։ Այն ավելի մեծ կլինի, քան որևէ մեկը կարող էր երբևէ պատկերացնել։ Անհավանական է, թե որքան մեծ է սա», - նշել է Թրամփը։