Եվրոպական խորհրդարանը հաստատել է ԵՄ-ի կողմից ռուսական գազի գնումը մինչև 2027 թվականի վերջը դադարեցնելու ծրագիրը:

Եվրախորհրդարանի 500 անդամներ քվեարկել են կողմ, 120-ը՝ դեմ, իսկ 32-ը՝ ձեռնպահ։

Եվրոպական խորհրդարանը խորհրդատվական մարմին է, ուստի կառույցի որոշումները պարտադիր չեն ԵՄ անդամ պետությունների համար։ Վերջնական որոշումը պետք է կայացվի կառավարության մակարդակով։

Ծրագիրը վերաբերում է և՛ խողովակաշարային, և՛ հեղուկ բնական գազին։

Էներգետիկայի հարցերով եվրահանձնակատար Դան Յորգենսենը հայտարարել է, որ Եվրոպական հանձնաժողովը նաև մտադիր է ամբողջությամբ արգելել ԵՄ երկրներին ռուսական նավթ ու միջուկային վառելիք գնելը, որի համար կարող են պատրաստվել առանձին փաստաթղթեր։ Հունգարիան ու Սլովակիան ակտիվորեն դեմ են Ռուսաստանից էներգակիրների ներմուծման արգելքին։