Ռուսաստանի, Ուկրաինայի և ԱՄՆ-ի միջև եռակողմ հանդիպումը, որը տեղի կունենա ԱՄԷ-ում, ամեն դեպքում դրական զարգացում է, ասել է ԱՄՆ նախագահ Դոնալդ Թրամփն իր ինքնաթիռում լրագրողների հետ զրույցի ժամանակ։

«Ամեն ինչ լավ է։ Ցանկացած հանդիպում լավ է։ Եթե դուք չհանդիպեք, ոչինչ չի պատահի», - ասել է նա։

Ըստ Թրամփի՝ իր նախորդի՝ Ջո Բայդենի՝ ԱՄՆ-ում պաշտոնավարման «առաջին երեք տարիների ընթացքում» «ոչ ոք ընդհանրապես չի հանդիպել»։

«Եվ դուք գիտեք մեկ բան. եթե դուք չհանդիպեք, ոչինչ չի պատահի։ Այսպիսով, մենք հանդիպում ենք, և կտեսնենք, թե ինչ կլինի։ Հուսով եմ՝ մենք կարող ենք շատ կյանքեր փրկել, այդքանը», - հավելել է ԱՄՆ նախագահը։

Նա վստահություն է հայտնել, որ Ռուսաստանի նախագահ Վլադիմիր Պուտինը կհամաձայնվի զիջումների՝ որպես խաղաղ կարգավորման մաս։ Լրագրողը հետաքրքրվել է, թե ինչպիսի զիջումների մասին կարող է խոսել նա։ «Նա զիջումների կգնա։ Բոլորը զիջումների կգնան՝ դրան հասնելու համար [հակամարտությանը վերջ դնելու համար]։ Եվրոպան կլինի դրա մի մասը։ Սա [ձեռք կտա] Եվրոպային ավելի շատ, քան ինձ. ես սա ավելի շատ անում եմ Եվրոպայի համար, քան ինձ համար։ <...> Ես հնարավորություն ունեմ դրան հասնելու։ Կտեսնենք, թե կկարողանա՞նք դա անել», - ասել Թրամփը։