Русский
Սրունքի ցավը, որին հաջորդում է ընդհատվող կաղությունը, ամենից հաճախ պայմանավորված է աթերոսկլերոզով՝ արյունատար անոթների պատերին խոլեստերինային վահանիկների կուտակմամբ. «Լենտա»-ին պատմել է սիրտ-անոթային վիրաբույժ, բարձրագույն կարգի մասնագետ և բժշկական գիտությունների թեկնածու Ալեքսեյ Ֆրանցևիչը։
Սա հայտնի է որպես «վիտրինայի համախտանիշ»:
Նրա խոսքով՝ Հանգիստ վիճակում ոտքի մկանները բավարար քանակությամբ արյուն են ստանում նույնիսկ նեղացած զարկերակի միջով, սակայն ֆիզիկական ակտիվության, օրինակ՝ քայլելու ժամանակ մկաններն ավելի շատ թթվածին են պահանջում. «Եթե նեղացած անոթը չի կարողանում ապահովել անհրաժեշտ քանակությունը, մարդը սրունքի հատվածում ցավ, այրոց կամ ծանրության զգացում է ունենում»։ «Այս ցավը սովորաբար ի հայտ է գալիս անցած ճանապարհի միևնույն հեռավորության վրա և մեղմանում է մի քանի րոպե կանգնելուց հետո: Նման դեպքերում չափազանց կարևոր է հնարավորինս շուտ հետազոտել զարկերակները, քանի որ առանց բուժման՝ այն հեռավորությունը, որը կարող եք անցնել առանց ցավի, գնալով կկրճատվի», — խորհուրդ է տվել մասնագետը:
Բժիշկն ընդգծել է, որ զարկերակների խցանումները կարող են հանգեցնել անևրիզմաների՝ անոթի պատի լայնացումների առաջացմանը, որոնք հղի են հանկարծակի պատռվելու վտանգով:
Բացի այդ, աթերոսկլերոզը հազվադեպ է ախտահարում միայն մեկ անոթը, ուստի սրտամկանի ինֆարկտից կամ կաթվածից հետո անհրաժեշտ է ստուգել նաև ոտքերի զարկերակները: Ֆրանցեւիչի խոսքով՝ ռիսկային խմբում են գտնվում ծխողները, 60-ից բարձր տարիքի անձինք, ինչպես նաև շաքարային դիաբետ, զարկերակային գերճնշում կամ արյան մեջ խոլեստերինի բարձր մակարդակ ունեցող մարդիկ:
- Երևան °C
- $359.97
- €403.06
- ₽4.48