Արաբկիրում 1 տարեկան  երեխայի սպանության դեպքով նախաձեռնված քրեական վարույթի շրջանակում նախաձեռնվել է ևս մեկ քրեական վարույթ երեխայի  դաստիարակության կամ խնամքի պարտականությունները չկատարելու կամ ոչ պատշաճ կատարելու դեպքով՝  Քրեական օրենսգրքի 24-րդ հոդվածի հատկանիշներով, որը միացել է նախորդ քրեական վարույթին։ 

Այս մասին MediaHub-ին հայտնեցին ՀՀ դատախազությունից։                   

Հիշեցնենք, որ  մարտի 16–ին «կլինիկական մահ» ախտորոշմամբ «Արաբկիր» ԲԿ էր տեղափոխվել 1 տարեկան 2 ամսական տղա երեխա, որի սրտի աշխատանքը հնարավոր էր եղել վերականգնել։ Փոքրիկի վիճակը գնահատվում էր ծայրահեղ ծանր։ Օրեր անց արձանագրվեց երեխայի մահը։

Էմմա Մարտիրոսյան