ԱՄՆ-ի ռազմական միջամտությունը Գրենլանդիայում աղետալի կլինի ՆԱՏՕ-ի համար, մամուլի ասուլիսում հայտարարել է Լեհաստանի վարչապետ Դոնալդ Տուսկը։

Նա նշել է, որ «հիմա ո՛չ տեղը, ո՛չ էլ ժամանակը չէ Գրենլանդիայում ԱՄՆ-ի հնարավոր ռազմական միջամտության քաղաքական և ռազմական հետևանքների մանրամասն վերլուծության համար»։

«Մեր տեսանկյունից դա կլինի աղետ։ Հակամարտությունը կամ ՆԱՏՕ-ի անդամի տարածքի զավթման փորձը ՆԱՏՕ-ի մեկ այլ անդամի կողմից կլինի աշխարհի վերջը, այն աշխարհի, ինչպես մենք այն գիտենք, որը տասնամյակներ շարունակ երաշխավորել է մեր անվտանգությունը և ՆԱՏՕ-ի համերաշխության վրա հիմնված աշխարհակարգը», - ասել է նա։