Նավթային ընկերությունների ղեկավարները դիմել են ԱՄՆ իշխանություններին՝ Հորմուզի նեղուցով անցնող նավերի համար վճարների սահմանումը կանխելու նպատակով, հաղորդել է Politico-ն՝ հղում անելով արդյունաբերության ներկայացուցչին:

Կոչերն ուղարկվել են Սպիտակ տուն, ԱՄՆ պետքարտուղարին ու փոխնախագահին։

Հրապարակման համաձայն՝ բիզնեսի ներկայացուցիչները նշում են, որ նեղուցով տարանցումը նախկինում իրականացվել է առանց լրացուցիչ վճարների: Արդյունաբերությունը հույս է ունեցել, որ հակամարտության ավարտից հետո նախկին պայմանները կպահպանվեն։

Աղբյուրը նշել է, որ վարչակազմի արձագանքը կոշտ չի եղել: Նա հավելել է, որ դիմումները գրանցվում ու հաշվի են առնվում, սակայն վերջնական որոշումներ դեռևս չեն հայտարարվել: