Русский
Իրանի Իսլամական հեղափոխության պահապանների կորպուսը հայտարարել է Քուվեյթի Ալի ալ-Սալեմի ամերիկյան ռազմաբազային համակցված հրթիռային և անօդաչու թռչող սարքերով հարվածելու մասին։
Թիրախավորվել են ԱՄՆ-ի հրամանատարական կետը և շտաբը, Իրանի դեմ հարվածներ հասցնելու համար օգտագործվող անօդաչու թռչող սարքերի անգարներն ու հարթակները։ Հարձակման հետևանքով ոչնչացվել են մի քանի ամերիկյան անօդաչու թռչող սարքեր և սպանվել են անձնակազմի անդամներ։
ԻՀՊԿ-ն նշել է, որ հարվածը պատասխանն է եղել Սիրիկ քաղաքում բնակելի շենքի վրա ամերիկյան ուժերի հարձակմանը, որտեղ տեղի է ունեցել նշանադրության երեկույթ։ Ըստ Թեհրանի՝ հարվածի հետևանքով վիրավորվել է մոտ 70 մարդ։ Չորսը, այդ թվում՝ մեկ երեխա, զոհվել են։ ԻՀՊԿ-ն նաև հայտնել է Հորդանանում, Բահրեյնում և Իրաքի Էրբիլում ԱՄՆ ռազմաբազաների վրա միաժամանակյա հարձակումների մասին։